Habitantenan di Rio Magdalena a risibí bishita di Minister Silvania

Habitantenan di Rio Magdalena a risibí bishita di Minister Silvania

Willemstad- Djárason último durante un ambiente ameno Minister Silvania a duna e
habitantenan di Rio Magdalena e grato notisia ku Ministerio di Salubridat, Medio
Ambiente i Naturalesa ta otorgá nan e suma di NAf. 25.000 pa e gastunan realisá dor di
molèster okashoná pa e kachónan ku ta permanesé riba tereno di Dog Center.
Na e okashon aki Minister Silvania a skucha tambe batimentu di kurason di e
habitantenan di Rio Magdalena.
Manera ya konosí e habitantenan di Rio Magdalena a keha di molèster okashoná pa e
blafmentu (persistente) di e kachónan ku ta permanesé riba e tereno di Dog Center, na
Rio Magdalena. Nan a pidi Minister pa medio di un prosedura di LAR pa tuma akshon di
enforsamentu kontra Dog Center.
Despues ku investigashonnan a mustra ku e blafmentu di e kachónan ta surpasá e
norma di zonido, Minister a tuma un desishon balansá i no a ortogá Dog Center e
pèrmit di molèster. Pa tòg por yuda Dog Center, Ministerio Salubridat, Medio Ambiente i
Naturalesa lo kubri e gastunan di e mudamentu di Dog Center te na un montante
máksimo di NAf. 300.000.
Di e forma aki Minister Silvania un biaha mas ta krea un situashon di “win-win” tantu pa
Dog Center, ku sigur tin un funshon sosial den nos komunidat, komo tambe pa
habitantenan di Rio Magdalena.