Fundashon Kultural Seú Kòrsou a reuní ku kabesantenan di gruponan di Seú. 

Djasabra 8 di mart 2025 Fundashon Kultural Seú Kòrsou a reuní ku kabesantenan di gruponan di Seú.

Presidente di Fundashon sr. C. Zimmerman a introdusí sr.

E. Leitoe ku ta hurista i ta reforsá e Fundashon komo sekretaris i penningmeester.

Fundashon Kultural Seú Kòrsou ta sigui ku trámitenan pa organisá Seú pendiente un kombersashon ku minister C. Van Heydoorn pa bin klaridat riba e asuntu di ken ta organisá Seú.

Fechanan di Kantadó Mayó ta 1, 2, 3 i 5 di aprel 2025 na tennisbaan.

Fechanan pa marchanan di Seú ta 21 di aprel 2025 i 4 di mei 2025 na Banda Bou.

Fechanan pa kùr vehíkulonan ku ta partisipá na marchanan di Seú ta 5, 6 i 12 di aprel 2025 orario 8or pa 16or.

Herkeuring ta tuma lugá dia 13 di aprel 2025.

Apertura di temporada di Seú ta tuma lugá konhuntamente ku Maramentu di Lensu.

Fecha ta keda anunsiá despues.

Ruta di e marchanan di Seú ta keda meskos ku añanan anterior.

Sede di Fundashon Kultural Seú Kòrsou ta Sentro di Bario Santa Maria.