Un total di 2000 kachó sterilisá den kuadro di e proyekto Bienestar di Animal

Un total di 2000 kachó sterilisá den kuadro di e proyekto Bienestar di Animal
Willemstad- Djamars 11 di mart, e proyekto Bienestar di Animal den koperashon ku
Stichting Rescue Paws Curaçao i Stichting Dierenhulp Curaçao ta yega na su di 2000
kachó sterilisá den kuadro di e tremendo kampaña aki.
E kachó di nòmber Lily a bira e di 2000 kachó ku e doñonan a hasi uzo di e oportunidat
pa sterilisá nan kachó grátis.
Sterilisashon ta yuda entre otro pa oumentá kalidat di bida di e animalnan aki. P’esei
Ministerio GMN ta gradisí komunidat di Kòrsou ku a respondé di un manera hopi
positivo na e kampañá aki, no solamente pa sterilisá, pero tambe pa chip nan kachónan
grátis.
Alabes, Ministerio di GMN ke enkurashá nos doñonan di kachó pa sigui hasi uzo di e
chèns úniko aki ku gobièrnu ta ofresé pa sterilisá i chip nan kachónan grátis.
Gobièrnu ta determiná pa atendé ku e problema di sobrepoblashon di kachó na Kòrsou.
Pabien Lily!!!
BAN STIMA, KUIDA I PROTEHÁ NOS ANIMALNAN!