KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIA

Adaptashon den skema di rekohé shushi di kas

 

 

Selikor ta informá ku, debí na e kantidat di trabou di último dianan, mester a hasi algun adaptashon den e skema di rekohé shushi di kas. Siman pasá no a logra konkluí ku tur ruta di kas. Ta e intenshon pa e siman akí minimalisá e retraso i rekohé tur ruta di kas, sinembargo no riba e dia kustumbrá.

Mientrastantu, awe djaweps i mañan djabièrnè lo kubri i finalisá e rutanan di djaluna, djamars i djarason, ku énfasis riba e barionan ku siman pasá a keda atras. Di e forma akí nos lo sigui traha pa tur bario bini na bùrt. Nos personal lo traha den fin di siman tambe riba djasabra i djadumingu, si ta nesesario, pa finalisá e skema atrasá. Pa e motibu akí nos ta pidi habitantenan pa saka nan kònteiner di shushi pafó di kurá entre 6or di mainta ku 11or di anochi.

Selikor ta keda komprometé pa kumpli ku e rekohementu di shushi den tur bario i nos ta pidi, nos diskulpa pa eventual molèster ku e retraso akí por ta okashonando.

639114718427035"
639114718427035"