KUERPO POLISIAL KÒRSOU

KOMUNIKADO DI PRENSA

15 mart 2025

Detenshon relashoná ku violashon di lei di opio

094/2025

Djabiènè 14 di mart 2025 alrededor di 17.31’or, un unidat di warda di polis di Otrobanda ku
tabata kore riba Mahumaweg, a tuma nota di un vehíkulo ku tabata kore riba e kaya ei i di
kua e okupantenan tabata aktua di forma sospechoso.
Den Mahuma Kaya B, e unidat a logra para e vehíkuo i manera ku e polisnan a baha for di
nan outo, nan a sinti holó di mariwana.
Durante di un kontròl den e vehíkulo, nan a bin topa un kantidat di mariwana.
Na e sitio polis a detené e hòmbernan J.J.N. de L. di 24 aña di edat i K.A.S.J.I. di 16 aña di
edat, ámbos nasé na Kòrsou, pa violashon di lei di opio.
E vehíkulo den kua e sospechosonan tabata, no tabatin ningun dokumentu bálido i a
transport’é pa e tereno na Mahuma.
A presentá e sospechosonan dilanti di un fiskal ouksiliar ku a ordená enkarselamentu di
J.J.N. de L. pendiente di mas investigashon.
E hòmber K,A.S.J.I. por a bai kas despues di interogashon.