18 di MART 2025 Charla: “KANSER DI ENDOMETRIO” na Sentro di bario Souax
18 di MART 2025 Charla: “KANSER DI ENDOMETRIO” na Sentro di bario Souax
Fundashon Pro Souax, Sentro di Bario Souax i Sentro Médiko Souax ta informá habitantenan di barionan di Souax, Gato i bisindario i tur otro interesado, ku djamars awor 18 di mart lo tin otro interesante charla riba salú i kuido di salú. Tópiko di e luna aki ta:
“KANSER DI ENDOMETRIO”
(KANSER DI E TEGIDO KU TA KUBRI E PARTI PADEN DI E MATRIS)
Dr.Oliva lo amplia riba: funshon di matris i di e endometrio ku ta e tegido ku ta kubri e parti paden di e matris. Tambe e profeshonal lo splika kua ta e síntomanan di kanser di endometrio; kon ta diagnostiká e malesa; e diferente tiponan di kanser di endometrio i tratamentu ku ta apliká na momentu ku konstatá e tipo di kanser aki.
Durante e charla, públiko lo tin amplio oportunidat pa hasi pregunta.
E charla ta tuma lugá na Sentro di Bario Souax di shet’or pa mitar di nuebe di anochi i entrada ta grátis. Durante e charla lo tin amplio oportunidat pa hasi pregunta.
| Charla SALU I KUIDO DI BO SALU
Tópiko : “KANSER DI ENDOMETRIO” Dia : Djamars 18 di MART 2025 Ora : Shet’or pa mitar di nuebe di anochi (19.00 – 20.30) Lugá : Sentro di bario Souax Entrada : GRATIS |
