KUERPO POLISIAL KÒRSOU

KOMUNIKADO DI PRENSA
18 mart 2025

Detenshon relashoná ku maltrato

095/2025

Djaluna 17 di mart 2025 alrededor di 14.49’or, Sentral di polis a dirigí un unidat polisial pa
un kas na Klein Sta. Martha pa un kaso di maltrato.
For di investigashon preliminar ku polis a hasi na e sitio a sali na kla ku despues di un
diskushon entre dos hòmber, esaki a terminá den maltrato ku un pipa di heru.
E hòmber víktima a risibí slanan na altura di su lomba.
A pidi presensia di personal di ambulans, ku a atendé ku e viktima i despues transport’é pa
Sala di Emergensia di C.M.C. pa risibí tratamentu médiko mas avansá.
Na altura di un restorant Chines na Soto a detené e hòmber S.F.B. di 67 aña di edat nasé
na Kòrsou, enkonekshon ku e kaso ariba menshoná.
A presentá e sospechoso dilanti di un fiskal ouksiliar ku a ordená su enkarselamentu
pendiente di mas investigashon.