KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIA POLISIAL

Detenshon relashona ku maltrato relashonal

 

KOMUNIKADO DI PRENSA 100/2025
20 mart 2025

Detenshon relashona ku maltrato relashonal

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djaweps 20 di mart 2025 alrededor di 08.52’or, Sentral di Polis a dirigí un unidat pa Bentaweg pa un kaso di maltrato relashonal.
Na yegada di e unidat, el a konstatá ku un dama víktima tabata drumí riba kama ku un kap na kabes i unu na man ku tabata sangrando.
Despues polis a topa ku un ruman di e víktima ku a deklará ku un ratu promé e tabatin diskushon ku su ruman muhé i el a kap e ku un kuchú na altura di su kabes i su man.
Ku ambulans a tranporta e dama heridá pa CMC pa tratamentu médiko avansá.
Kontinuando ku e investigashon, polis a detené e dama S.G. di 64 aña di edat nasé na Kòrsou pa e maltrato ariba menshoná.
Na e sitio polis a konfiská e kuchú pa mas investigashon.
A presentá e sospechoso dilanti di un fiskal ouksiliar ku a ordená su enkarselamentu pendiente di mas investigashon.

639114718427035"
639114718427035"