KOMUNIKADO DI PRENSA
101/2025
20 mart 2025

Trio ilegal detené

Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djaweps 20 di mart 2025 alrededor di 08.00’or durante patruyahe, un unidat di Otrobanda a para un vehíkulo pa kontròl na altura di Hoogstraat.
Den e vehíkulo tabatin tres persona, di nashonalidat Kolombiano.
E trio aki tabata permanesé ilegal riba nos isla i a keda detené pa violashon di e Lei di Atmishon i Ekspulshon i a konfiská e vehíkulo pa mas investigashon.
A presentá nan dilanti di un fiskal ouksiliar, ku a sera nan pendiente di nan deportashon for di Kòrsou.