Aksidente den kua ilegal enbolbí

KOMUNIKADO DI PRENSA
103/2025
23 mart 2025
Aksidente den kua ilegal enbolbí
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Djadumingu 23 di mart 2025 alrededor di 06.31’or, Sentral di polis a dirigí un unidat polisial pa Winston Churchillweg na altura di un restorant, pa un aksidente di tráfiko entre dos vehíkulo.
Na e sitio polis a topa ku un aksidente entre un outo di famia i un bùs.
Den e aksidente aki tabatin un hòmber di Guyana ku tabata ilegal riba nos isla.
El a keda entregá na Departamentu di Imigrashon, kaminda el a wòrdu será pendiente di su deportashon, relashoná ku violashon di e Lei di Atmishon i Ekspulshon.
Ambos vehíkulo enbolbi den aksidente a keda transportá pa tereno na Mahuma debí ku nan dokumentunan no tabata na òrdu.
