Awor nos talentonan musikal tin un podio internashonal pa sigui desaroyá nan produkto
Awor nos talentonan musikal tin un podio internashonal pa sigui desaroyá nan produkto
Willemstad- Resientemente Minister di Asuntunan General, señor Gilmar Pisas, a risibí bishita ofisial di representante di “Sello Discografico Buscaenvigo” señor Ernesto “Papa” Bernardina. Señor Bernardina aktualmente ta e úniko persona outorisá pa e kompania den e teritorio Hulandes, ku e meta pa promové nos artistanan i fortalesé presensia di e kompania Buscaenvigo.
Den su kapasidat, señor Bernardina ta enkargá ku kordinashon di e proseso di kontratamentu i presentashonnan di artistanan na Kòrsou, Aruba, St. Maarten, Hulanda i Islanan BES. Den su karera, señor Bernardina a sa di desmostrá un nivel haltu di eksperensha i profesionalismo den kuadro di relashonnan públiko i booking, pues kualidatnan fundamental pa desaroyo di sektor musikal.
E desaroyo aki ta habri oportunidat nobo pa nos talentonan musikal, ya ku awor nan por konta ku sostén i respaldo di un organisashon internashonal, fasilitando nan desaroyo riba un nivel global.
Riba potrèt por mira momentu ku Minister Presidènt, señor Gilmar Pisas, ta risibí, di forma ofisial, un dokumento di señor Bernardina ku ta afirmá su status eksklusivo komo representante outorisá di e kompania diskográfiko internashonal Buscaenvigo pa teritorio Hulandes. E desaroyo positivo aki ta kontribuí na ekspanshon di nos industria musikal, brindando un plataforma di kresementu pa nos talentonan.
