Casonan di Tuberculosis den KIA no ta menasa pa Salud Publico
Casonan di Tuberculosis den KIA no ta menasa pa Salud Publico
ARUBA- 11.04.2025. No ta un situacion inusual cu casonan di Tuberculosis (TB) ta
keda registra den Aruba su Centro Coreccional (KIA), esaki ta un situacion cu
Departamento di Salud Publico den colaboracion cu Dokter di KIA y Dokter di
Pulmon ta atende cu ne debidamente.
Pa duna informacion riba locual ta e casonan di Tuberculosis cu recientemente a sali
publica den medio di comunicacion, DVG ta informa cu e casonan tur ta conoci pa
seccion di Malesanan Infeccioso di DVG y tur ta bou supervision y tratamento den
colaboracion cu KIA. Den cuadro di guia y tratamento pa cu malesanan infeccioso,
den e caso aki Tuberculosis instancianan conserni ta provee tratamento segun
protocol pa tur persona.
Tuberculosis ta un malesa bacterial no hopi infeccioso conoci mundialmente. Pa un
persona keda infecta cu Tuberculosis e mester tin contacto di cerca (close contact)
pa un periodo largo cu un persona cu tin Tuberculosis activo, cu otro palabra un
persona cu tin sintoma.
Sintomanan di Tuberculosis ta:
Tosamento persistente cu of sin slijm
Sodamento anochi
Perdida di peso
Perdida di apetit
Cansancio
Keintura
Dificultad pa hala rosea
Pa mas informacion like nos Facebook page Directie Volksgezondheid DVG Aruba,
Follow nos riba Instagram directie_volksgezondheid_aruba, subi nos website
http://www.dvg.aw, yama nos na 5224200 of mail nos na servicio@dvg.aw
