KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

GOBIERNU

Barber ta respondé positivo riba proyekto Bienestar di Animal

Barber ta respondé positivo riba proyekto Bienestar di Animal

Willemstad- Djasabra último a tuma lugá na Barber, Banda Bou, e di 5 ban topa kaminda doñonan di kachó por a akudí pa chip i eventualmente traha sita pa laga sterilisá nan animal. E ban topa aki tabata na Marshe di Baber i pueblo di Barber a reakshoná hopi positivo riba e akshon aki kaminda bastante persona a akudí ku nan kachó pa chip. Durante e simanan ku ta bini e akshon di Bienestar di Animal lo ta den área di Barber.

Un grupo grandi di doñonan di kachó a akudí na Marshe di Barber kaminda a chip un total di 102 kachó. Esnan ku no a haña oportunidat pa akudí na Marshe di Barber djasabra último ku nan animal, no mester preokupá. E simannan ku ta bini e proyekto Bienestar di Animal lo ta den área di Barber te dia 28 di aprel. Den e kuadro aki habitantenan di Barber por yama e number di telefòn 667 0163 pa pregunta òf pa traha sita pa chip nan kachó.

Pa traha sita pa sterilisá por manda un Whatsapp na e siguiente numbernan:  Rescue Paws Curaçao +5999 522-5262 i Stichting Dierenhulp Curaçao +5999 561-7171.

Proyekto Bienestar di Animal di Ministerio di GMN huntu ku vários organisashon no gubernamental ta sigui traha huntu pa atendé ku e problemátika di kachó lòs riba kaya na Kòrsou.

 

Leave a Reply

This site uses Akismet to reduce spam. Learn how your comment data is processed.