Kaso di hogamentu

KUERPO POLISIAL KÒRSOU
KOMUNIKADO DI PRENSA
18 aprel 2025
Kaso di hogamentu
140/2025
Djaweps 17 di aprel 2025 alrededor di 14.40’or, Sentral di Polis a dirigí un unidat di Barber
pa playa na Porto Marie pa un kaso di hogamentu.
Na yegada di e unidat, el a tuma nota ku personanan na e playa a kaba di saka un hòmber
for di den awa ku tabata drif.
E personanan aki tabata reanimando e víktima, mientras ku tabata pendiente di yegada di
ambulans.
Na yegada di ambulans, e personal no por a hasi nada mas pa e víktima, ku posiblemente a
guli un kantidat grandi di awa.
Dòkter di polis ku a yega na e sitio, a konstatá morto di e hòmber Rashid Hamid nasé dia 21
di sèptèmber 1978 na Canada.
