Detenshon pa menasa.

KOMUNIKADO DI PRENSA 425 / 2020
1 novèmber 2020
Detenshon pa menasa.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ
Djasabra 31 di òktober 2020 alrededor di 18.23 or, Sentral di Polis a dirigí un unidat polisial
na un sentro komersial den área di Veeris pa un denunsia relashoná ku un kaso di menasa.
Na yegada di e patruya na e sitio dos (2) dama a indiká na e agentenan e hòmber ku a
menasá nan.
For di un investigashon preliminar ku polis a hasi, a resultá ku e damanan ta amiga di e
hòmber sospechoso su kasa. E sospechoso ku no ta di akuerdo ku e amistat aki, a menasá
nan ku morto. Na e sitio polis a detené e hòmber sospechoso Sh.L.G.D.P. nasé na Kòrsou,
di 50 aña di edat.
A present’é dilanti di un fiskal ouksiliar ku a ordená su enkarselamentu pendiente di mas
investigashon.