BOLETIN SPESIAL Nr. 2: UN TEMBLOR A TUMA LUGÁ PERO NO TIN E POTENSIA PA GENERÁ TSUNAMI NA KÒRSOU

BOLETIN SPESIAL Nr. 2
SERVISIO METEOROLÓGIKO KÒRSOU

DJÁRASON, 24 DI YÜNI 2026, 18:22 O.L.

A EMITÍ UN MENSAHE DI INFORMASHON (KÓDIGO HEL) PA UN TEMBLOR PA KÒRSOU.

****UN TEMBLOR A TUMA LUGÁ PERO NO TIN E POTENSIA PA GENERÁ TSUNAMI NA KÒRSOU **

MEDIDA DI PREKOUSHON:
Si bo ta paden durante di un temblor, drumi abou, kubri bo mes i wanta duru,
buska protekshon bou di muebel fuerte, òf drumi abou i kubri bo kabes, den kaso
ku bini mas temblor;
Si bo ta pafó durante di un temblor, buska un lugá habri i drumi abou
Si bo ta den un vehíkulo durante di un temblor, hala na kantu, i evitá
palu di lus i koriente i brùg, si ta posibel.

Informashon èkstra:
Ora di orígen: djárason, 24 di yüni 2026 22:04 UTC/18:04 O.L. (Ora ku e
temblor a tuma lugá).
Lugá di orígen: 53 km wèst di Puerto Cabello, Venezuela
Magnitut: 7.1

DEFINISHONNAN:

Un Boletin Spesial ta ser emití pa eventonan di wer ku ta kousa inkonbeniensia
general òf preokupashon den pueblo (ku ta rekerí atenshon i akshon di
outoridatnan di brantwer i polis) i ku no por ser deskribí na un manera adekuá
den un pronóstiko di tempu regular.

Ta emití un Mensahe di Informashon pa Temblor ora ku a sinti un temblor na
Kòrsou i ku Servisio Meteorológiko Kòrsou a konfirmá detayenan di su
magnitut, episentro i profundidat.

 

Esaki ta e último boletin ku lo ser emití tokante e fenómeno aki.