A EMITÍ UN MENSAHE PRELIMINAR (KÓDIGO HEL) PA UN TEMBLOR PA KÒRSOU.

BOLETIN SPESIAL Nr. 1
SERVISIO METEOROLÓGIKO KÒRSOU

DJÁRASON, 24 DI YÜNI 2026, 18:10 O.L.

A EMITÍ UN MENSAHE PRELIMINAR (KÓDIGO HEL) PA UN TEMBLOR PA KÒRSOU.

****A KABA DI SINTI UN TEMBLOR NA KÒRSOU PERO AINDA NO TIN INFORMASHON
SÍSMIKO OFISIAL **

MEDIDA DI PREKOUSHON:
Prepará pa evakuá tur playa i área plat na kosta;
Marineronan ta ser konsehá pa no drenta bahianan te na momentu ku un
mensahe di “ NO TIN PELIGER DI TSUNAMI” a ser emití;
Si bo ta paden durante di un temblor, buska protekshon bou di muebel fuerte,
òf drumi abou i tapa bo kabes, den kaso ku bini mas temblor;
Si bo ta pafó durante di un temblor, buska un lugá habri i drumi abou;
Si bo ta den vehíkulo durante di un temblor, hala na kantu, i evitá palu
di lus i koriente i brùg, si ta posibel;

DEFINISHONNAN:

Un Boletin Spesial ta ser emití pa eventonan di wer ku ta kousa inkonbeniensia
general òf preokupashon den pueblo (ku ta rekerí atenshon i akshon di
outoridatnan di brantwer i polis) i ku no por ser deskribí na un manera adekuá
den un pronóstiko di tempu regular.

Ta emití un Mensahe Preliminar pa Temblor ora ku a sinti un temblor na Kòrsou,
pero ku ainda mester analisá i verifiká e informashon aki, promé ku e ser
publiká.

 

Un boletin kompleto lo ser emití mas pronto posibel.