Autobusbedrijf Curaçao a lansa awe nan wèpsait ofishal
Autobusbedrijf Curaçao a lansa awe nan wèpsait ofishal http://www.autobusbedrijf.com, ku ta duna informashon di tur servisio i aktividatnan tokante e kompania.
Komo inovashon awor bo por skohe un ruta i mira un konvoi riba e mapa unda e ta.
Wak e orarionan di salida di konvoi for di post Punda i Otrobanda.
Reserva Transporte pa Grupo.
Si bo mester di mas informashon bo por kontaktá ABC.
Tene na kuenta ku e wèpsait ta den su fase inisial, nos ke pidi komprenshon di un i tur pa kualke desperfekto ku por tin. Nos lo sigui traha pa perfekshoná nos wèpsait nobo nobo!
ABC su SmartPass, kual ta e forma di pago pa hasi uso di ABC su servisio di transporte tambe a keda lansa awe pa nos Minister di Tráfiko, Transporte i Planifikashon Urbano sra. Suzy Camelia- Romer.
Pa ABC ta un plaser pa inisiá e servisio nobo aki ku ta fásil, lihé i sigur! Sperando ku e servisio aki no simplemente fasilitá tur nos usuarionan pero tambe baha e uso di sèn kèsh i hasi kada biahe ku ABC unu mas sigur “mas safe” i plasentero.
Entrante djamars 17 di òktober próksimo e SmartPass Pasahero kual ta esun anónimo lo ta disponibel na Terminal na Punda i Otrobanda i tambe na ofisina prinsipal di ABC na Buena Vista. Buska di bo! Pa mas informashon subi nos wèpsait http://www.autobusbedrijf.com
