Minister Charles Cooper SURINAME ENERGY OIL AND GAS SUMMIT A RANKA SALI AWE NA PARAMARIBO…

Un momento espesial durante e dia di apertura tabata e diskurso ofisial di Minister Charles Cooper durante e Presidential Address Session. Ku esaki, Kòrsou a forma parti di e grupo selekto di paisnan ku a kontribuí na e ceremonia di apertura na e nivel polítiko mas haltu.Minister Cooper a papia na nòmber di e Gobiernu di Kòrsou i na nòmber di Promé Minister Gilmar Pisas.

Den su discurso, el a plantea e siguiente pregunta sentral:”Kiko lo pasa si e siguiente kapítulo di prosperidat den Caribe no ta skirbí pa un solo pais, sino pa un region kompletu ku ta traha huntu?”El a enfatisa ku e desaroyo den e Suriname-Guyana Basin ta hopi mas grandi ku un solo proyekto òf un solo pais, i ku e oportunidatnan ekonómiko ta ekstendé pa henter e region.

Kòrsou komo socio stratégiko

Minister Cooper a posiciona Kòrsou klaramente komo un socio logístiko i marítimo pa e industria offshore ku ta krese rápidamente.

El a mustra ku Kòrsou tin mas ku sien aña di eksperensia riba:

• Reparashon di barku;

• Servisionan marítimo;

• Aktividatnan portuario;

• Sosten offshore;

• Logístika internashonal.

Den e kuadro aki, el a referí spesífikamente na:

• 2BAYS;

• Curaçao Ports Authority;

• Damen Shiprepair Curaçao;

• NAVCARIB;

• Caracasbaai;

• Bullenbaai;

• Boca Sint Michiel;

• Buskabaai Development.

Klima di invershon na Kòrsou: Den su kapasidat komo Minister di Finansa, Minister Cooper a splika e ventahanan fiskal ku Kòrsou ta ofresé pa invershonistanan den e sektor marítimo i energético.

Entre otro, el a menshoná:

• E régimen E-Zone;

• Medidanan di estímulo fiskal;

• Bentahanan ku ta resultá for di e tratadonan entre Kòrsou i Surinam;

• Exonerashonnan pa ekipamentu offshore;

• E hecho ku no tin belasting riba ganansia di kapital pa sierto aktivo empresarial;

• E régimen di tonelaje pa empresanan di nabegashon.

Minister Cooper tambe a presenta e empresanan i institushonnan ku tabata presente for di Kòrsou:

• CDM Holding;

• 2BAYS;

• Damen Shiprepair Curaçao;

• EY;

• NAVCARIB;

• Curaçao Ports Authority;

• Buskabaai Development;

• Curaçao Maritime Association.

El a enfatisa ku tur e organisashonnan aki huntu ta representá henter e espectro di servisionan marítimo, logístiko i offshore ku Kòrsou por ofresé.

Yamada pa kolaborashon regional

Minister Cooper a sera su discurso ku un yamada poderoso pa mas kolaborashon regional.

El a deklará klaramente ku Kòrsou no a bin Surinam komo kompetidor, sino komo un socio den e desaroyo kontinuo di e region.

Segun e minister, e prosperidat futuro di Caribe lo dependé di e paisnan ku ta skohe pa kolaborá, inová i traha pa un desaroyo ekonómiko compartí.

Su mensahe final tabata:”Curaçao is open for business.