Presidente suplente di Parlamento, sr. Gilbert Doran tabata presente na e seremonia di pone krans na busto di kolonèl C.N. Winkel, den kuadro 97 aniversario di VKC

E aniversario aki ta marka 97 aña di dedikashon i esfuerso indispensabel di boluntarionan di VKC ku ta kontribuí na seguridat i bienestar di Kòrsou.

VKC a keda lantá dor di kolonèl C.N. Winkel, ku tabata un militar Hulandes stashoná na Kòrsou, ku tabata konsiente di e tenshonnan internashonal kresiente, e interes stratégiko i e vunerabilidat di Antia Hulandes. Kolonèl Winkel a mira e nesesidat di un defensa lokal konfiabel i bon organisá, i tambe protekshon sivil.