Kandela grandi na Ronde Klip

Molèster di huma pa Areannan den Serkania.

Willemstad – For di djaluna anochi arededor di 19:30, Brantwer Kòrsou a keda alarmá pa un kandela grandi na un lugá di stòrt ilegal den área di Ronde Klip. E kandela ta kousando molèster pa e áreanan den bisindario. Brantwer Kòrsou a tuma e akshonnan nesesario pa tene e kandela bou di kontrol i prevení ku e kandela ekspandé.

E trabounan ta sigui intensamente apesar ku e kandela ta sigui desaroyá den areanan difísil pa kombatí direktamente. Debí na e kandela grandi aki kasnan/barionan den bisendario por ekperensia bastante molester di huma.

Kon bo por protegé bo mes i bo famia den e situashon akí:

• Sera bentana i/òf portanan di kas i/òf edifisio.
• Si bo tin malesa respiratorio, bo ta rekomendá pa sali for di e área temporalmente.
• Trata di keda mas tantu paden i evitá aktividat físiko fuerte.
• Sigui e komunikashon ofisial di Brantwer Kòrsou pa aktulisashon.

Brantwer Kòrsou ta kontinuá ku e esfuerso pa tene e kandela bou di kontrol i ta sigui traha pa evitá ku e situashon ta bira mas grave.

Nos ta konta riba komprenshon i kolaborashon di tur habitante. Pa mas informashon, por sigui e kanalnan ofisial di Brantwer Kòrsou.