Papa Francisco ta fayesé na edat di 88 aña

Riba di dos dia di Pasku Vatikano ta anunsiá fayesementu di Papa Francisco pa medio di un mensahe di video. Kardinal Kevin Farrell ta anunsiá: “Kerido rumannan, ku gran tristesa mi mester anunsiá fayesimentu di e Tata Santu Francisco. Awe mainta 7.35 e obispo di Roma, Franciscus, a regresá kas di Tata.”

Dia 14 di febrüari 2025 Papa a keda interná den hospital

Gemelli na Roma pa motibu ku e tabata sufri di pulmonia dòbel i e funshon di su nirnan a kuminsá faya. Despues di 5 siman, el a sali for di hospital apesar di su situashon kritiko.

Riba Pasku di Resurekshon el a duna e bendishon paskual tradishonal, urbi et orbi, na e suidat i na mundu.

Papa Francisco a nase na Argentina komo Jorge Mario Bergoglio. E tabata e promé papa di kontinente Merikano i di hemisfero sur. Na aña 2013 el a inisiá su funshon komo Papa di iglesia katoliko.