KOMUNIKADO DI PRENSA 159/2025
25 aprel 2025

Entrada hudisial ku detenshon pa violashon di lei di arma i droga

Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djabièrnè 25 di aprel 2025 alrededor di 05.30’or, personal di Divishon di Krímen Organisá a tene un entrada hudisial na un adrès na Krakeel. E entrada hudisial tabata den kuadro di un investigashon andando relashoná ku violashon di lei di arma i droga. Kontinuando ku e investigashon a haña i konfiská un kantidat di mariwana, artefaktonan pa prepará droga i un telefòn selular. Enkonekshon ku esaki a detené e hòmber M.H.K. di 32 aña di edat, nasé na Kòrsou. A presentá e sospechoso dilanti di un fiskal ouksiliar ku a ordená su enkarselamentu pendiente di mas investigashon.