Talentonan di natashon di Kòrsou brilla na Carifta Aquatic Championships 2025
Talentonan di natashon di Kòrsou brilla na Carifta Aquatic Championships 2025
Willemstad, 23 april 2025 – Kòrsou a partisipá ku orguyo den e 38e edishon di Carifta Aquatic Championships, ku a tuma lugá for di 19 te 22 di april na Trinidad & Tobago. Dos joven natadó: Lia Pollit i Gabrielle Johannes Maduro, tur dos di 14 aña, a represéntá e isla.
Ambos atletenan a logra prestashonnan ekselente, logra pasa pa final den tur evento ku nan a partisipa – ku ta un logro eksepshonal den un kompetensia di haltu nivel.
Lia Pollit, ku ta entrena apenas un aña, a hase su debút internashonal den manera impreshonante, ganando un medaya di plata na 50 meter estilo lomba. Esaki ta un logro sobresaliente pa un atleta tan nobo pa e deporte den su prome kompetensia internashonal grandi.
Gabrielle Johannes Maduro, ku a gana brons aña pasá na 200 meter estilo lomba, a brilla di nobo e aña aki. E a kue plata riba mesun distansia i, además, a kibra dos rekord nashonal di Kòrsou ku tabata pone for di 1997.
Riba 50 meter estilo lomba, e a kibra e rekord di Kimberly Schoop (31.99 s) ku un tempu di 31.76 s.
Na 100 meter rugslag, e la supera e rekord di Soa Berenos (1:10.09) ku un tempu nobo di 1:09.01.
E dos landado ta ser entrena pa Reginaldo Brizuela Gonzalez.
Federashon Akuátiko Kòrsou ta yama pabien na prome luga e dos atleta nan, coachnan i na e mayornan ku a duna nan sosten. Nan prestashonnan ta mustra no solamente talento, sino tambe e futuro prominente pa deporte di natashon riba nos isla.