NOS A DRENTA E SIMAN DI KÒRSOU VS BARBADOS! TUR KOS TA PRAKTIKAMENTE KLA PADIA 5 DI YÜNI 2024! E BIAHA AKI TAMBE NOS TIN E TREMENDO ‘FANZONE’!

 

 

NOS A DRENTA E SIMAN DI KÒRSOU VS BARBADOS!

TUR KOS TA PRAKTIKAMENTE KLA PADIA 5 DI YÜNI 2024!

E BIAHA AKI TAMBE NOS TIN E TREMENDO ‘FANZONE’!

 

Nos a drenta e siman di bèrdat, kaminda e selekshon nashonal di Kòrsou lo enfrentá Barbados pa nos promé partido di kualifikashon pa Mundial di FIFA riba dia 5 di yüni 2024. E partido aki lo tuma lugá den Stadion Ergilio Hato pa mitar di 8 di anochi. Seguidamente nos selekshon lo biaha pa Aruba pa topa Aruba dia 8 di yüni den Centro Deportivo Guillermo Prospero Trinidad pa 8’or di anochi.

 

Pa nos partido kontra Barbados tambe lo tin e tremendo ‘fan zone’ ku biaha pasá tabata un éksito rotundo. E ‘fan-zone’ e biaha aki lo ta di mitar di 6 di atardi 7:15pm dilanti Stadion Ergilio Hato pa un i tur por gosa promé ku e wega. E ‘fan zone’ aki ta un área kaminda fanátikonan por pasa un ratu ameno promé ku e gran partido entre Kòrsou i Barbados tuma lugá.

Por disfrutá di músika di Dj T Tesseling i dal un serbes, un refresko òf un bon plato serka Pomm’s i partisipá pa gana diferente premio pa kortesia di Changes i YDK! Un ambiente tur afó komo antesala di e tremendo partido di nos selekshon nashonal i Brabados!

 

Bin na bòshi, bin disfrutá di e grandioso ‘fan-zone’ aki, pa despues bo apoyá nos selekshon nashonal ku ta konta ku pueblo di Kòrsou kompletu pa bin apoyá nan!