NOS SELEKSHON NASHONAL TA KLA PA ENFRENTÁ COSTA RICA MAÑAN 14 DI NOVÈMBER DEN SDK, 7:30 PM! E DIA A YEGA!

NOS SELEKSHON NASHONAL TA KLA PA ENFRENTÁ COSTA RICA MAÑAN 14 DI NOVÈMBER DEN SDK, 7:30 PM! E DIA A YEGA!

 

Tur kos ta kla pa nos selekshon nashonal enfrentá e selekshon di Costa Rica mañan, 14 di novèmber, 7:30 PM den Stadion Ergilio Hato. Esaki durante nos último partido di e di 2 buèlta di Nations League. Despues ku djaluna último nos hungadónan residensiá den eksterior a yega Kòrsou i djòin ku nos hungadónan lokal, e trainingnan a kontinuá pa e partido importante aki. Awe nos selekshon ta tin su delaster training i nos hungadónan ta mentalmente i físikamente bon prepará pa saka nos kara mañan.

 

Karchinan pa e enkuentro aki ta optenibel mañan for di 8’or di mainta solamente na e lokètnan di SDK te ku ora di wega. Hasi lihé buska di bo, pa bo no lamentá paso e karchinan ta bayendo manera pan kayente!

 

E preisnan ta lo siguiente:

  • VIP ta kosta Fl.150,- (inkluso konsumo);
  • Bou di tribunanan kubrí ta Fl.50,- 
  • Tribunanan no kubrí ta Fl.30,- 
  • Mucha di 6 te ku 12 aña ku 60+ ta paga Fl. 15,- den sekshon general

 

Portanan ta habri for di 4:30 PM, kòrda yega trempan pa evitá e tráfiko i semper sigui òrdu di seguridat.

 

E kolekshon nobo di merkansia di nos selekshon, ku ta Nike original, tambe lo ta na benta mañan di 8’or di mainta pa 4’or di atardi na FFK! 

 

E preisnan di nos kolekshon nobo di merkansia di nos selekshon nashonal ta lo siguiente;

 

  • Jacket adulto (neon hel) fl.150,-
  • Jacket mucha (neon hel) fl.125,-
  • Suèter adulto (neon hel, blanku òf blou) fl.100,-
  • Suèter mucha (neon hel òf blou) fl.85,-
  • Karson di ‘trainingspak’ adulto (blou skur) fl.85,-
  • Karson di ‘trainingspak’ mucha (blou skur) fl.75,-
  • Shal di nos selekshon fl.25,-

 

E ‘size’ nan di mucha ta kore di XS te XL miéntras di adulto ta kuminsá na S i ta yega te XXL.

Tur esaki optenibel na FFK bou di ora di ofisina.

 

Un tabla lo bula mañan ora ku Kòrsou topa kara kara ku Costa Rica na kas!

Nos selekshon ta sigui konta ku e sosten i e apoyo di abo, komo e di 12 hungadó!

Un yamada ta bai na pueblo di Kòrsou kompletu pa basha bin stadion pa huntu nos logra e viktoria importante aki!

 

Nos ta topa mañan, 7:30 PM den Stadion Ergilio Hato!

 

13 di novèmber 2019

 

 

This site uses Akismet to reduce spam. Learn how your comment data is processed.

error: Content is protected !!
%d bloggers like this: