KOMUNIKADO DI PRENSA 164/2025
27 aprel 2025

Detenshon pa problema relashonal i destrukshon

Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

 

Djasabra 26 di aprel 2025 alrededor di 21.50’or, Sentral di Polis a dirigí un unidat polisial pa
un kas na Kaya Vatu pa un kaso di problema relashonal i destrukshon.
For di investigashon ku polis a hasi na e sitio a sali na kla ku despues di un diskushon entre e
pareha, e hòmber a kima pañanan di e dama.
Na e sitio polis a detené e hòmber, A.F.L.C. di 61 aña di edat nasé na Colombia,
enkonekshon ku e kaso ariba menshoná.
A presentá e sospechoso dilanti di un fiskal ouksiliar ku a ordená su enkarselamentu
pendiente di mas investigashon.