MISS TEENAGE CURACAO 2024-2025 KU OTRO EKSITOSO EVENTO BEYOND BEAUTY
MISS TEENAGE CURACAO 2024-2025 KU OTRO EKSITOSO EVENTO BEYOND BEAUTY
4 HOBEN DAMA A KEDA PREMIA
Willemstad- Djasabra último den ouditorio di World Trade Center a tuma luga e di dos evento ofisial di e sertámen Miss Teenage Curacao kual ta Beyond Beauty, the evolution competition.
E 8 partisipantenan den kompetensia ta Cheralline Panthoplet, Laïs Braaf, Tesselly Chirino Ortega, Sherily Silié, Angelly Virginia, Der-ëangely Pieter, Melysa Pengel i Thalina Gil. Nan tabatin 4 presentashon. E promé presentashon tabata den trahe deportivo di BFox Fitness, kaminda nan a presentá nan mes. Di dos presentashon nan a presentá un fashion Show patrosiná pa e boutique L’Armoire D’ Kiona. Di tres presentashon, nan a presentá un trahe di fantasia di nan proprio kreashon i por último nan a hiba un kombersashon pa por laga konose un tiki mas di nan i evalua nan personalidat.
E nòmber di e kompetensia ta papia pa su mes, e biaha aki, e partisipantenan a wòrdú evaluá muchu mas ku beyesa. A evaluanan den área di deporte, arte i kreatividat, talento i personalidat.
Un bon kuerpo di hurado e elegí e ganadornan di e sinku premionan di e anochi. Miss Dinamiko a bai pa Melysa Pengel, Miss Deporte a bai pa Der-ëangely Pieter, Top Model a bai pa Sherily Silié, Miho Fantasia a bai pa Laïs Braaf i Miss personalidat a bai pa Laïs Braaf un biaha mas.
Awor preparashonnan ta sigui pa otro luna djaweps 29 mei 2025 QMQ Organization presentá e gran show final di e sertámen mas popular bou di nos hobenan kual ta Miss Teenage Curacao.
QMQ Organization ta yama un danki na kada un di su spònsòrnan ku ta hasi e sertámen aki posibel: Glitzy Handbags & Accessories, BFox Fitness, BeBeautiful, SlayedbySien, Infilms, JSupriana Photography, Straker Photography, Choco Photography, ZVCK MultiMedia, QB 21 Entertainment, RA Studio, BeautybyMica, Ayanette Beauty Management, TNALinq, Massive, A different mirror, L’Armoire D’ Kiona, C3 critical communication Caribbean, Inspiracion Curacao.
Pueblo di Kòrsou ta keda kordialmente invitá pa sigui medianan sosial preferí i tambe e páginanan ofisial di QMQ Organization riba instagram i facebook pa sigui tur desaroyo di e sertámen.