Pareha ilegal detené
KOMUNIKADO DI PRENSA 171/2025
2 mei 2025
Pareha ilegal detené
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Djaweps 1 di mei 2025 alrededor di 21.25’or, durante di kontròl riba I.H. (Sha) Caprileskade,
polis a para un skuter riba kua tabatin un hòmber i un muhé.
Ambos persona di nashonalidat Venezolano tabata permanesé ilegal riba nos isla.
A detené e duo pa violashon di e lei di Atmishon i Ekspulshon i present’é dilanti di un fiskal
ouksiliar di Imigrashon, ku a sera e pareha pendiente di su deportashon.
E skuter a keda konfiská.
