Dos detenshon den kaso di ladronisia di bùmper

KOMUNIKADO DI PRENSA 180/2025
8 mei 2025
Dos detenshon den kaso di ladronisia di bùmper
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Kontinuando ku investigashon den dos kaso di ladronisia di bùmper, polis a hasi dos
detenshon.
Djamars 6 di mei 2025, e tim ku ta investigá ladronisia di vehíkulo a hasi detenshon di e
hòmber E.F.S. di 55 aña di edat nasé na Kòrsou, relashoná ku e kaso ladronisia di bùmper
ku a tuma lugá dia 15 aprel 2025 den Oranjestraat.
Su detenshon a tuma lugá na su kas den Dein.
Siguiendo ku un otro investigashon djárason 7 di mei 2025, e tim ku ta investigá ladronisia
di vehíkulo a hasi un detenshon mas di e hòmber N.C.P. di 28 aña di edat nasé na Kòrsou,
relashoná ku un kaso ladronisia di bùmper ku a tuma lugá dia 25 di mart 2025 riba Weg
naar Fuik.
Su detenshon a tuma lugá na warda di reshèrshi.
A presentá ámbos sospechoso dilanti di un fiskal ouksiliar ku a ordená nan enkarselamentu
pendiente di mas investigashon.
