Deklarason di Ch. Zimmerman den kaso likidashon di Boechi
Deklarason di Ch. Zimmerman den kaso likidashon di Boechi
Polis por a logra identifiká e sospechoso Zimmerman i a detené esaki riba 26 aprel 2023. Na e momentu di su detenshon e tabata tin un arma di kandela den su poder, tipo revolver.
El a wòrdu interogá 13 biaha den e periodo di 26 aprel pa 15 sèptèmber 2023.
Zimmerman a deklará ku e no tin nada di haber ku e likidashon di Boechi ku a tuma lugá 8 december 2022. E tabata na kas serka su amiga A.P. i e tabata malu. Na promé instante Zimmerman a deklará ku Coffie a pasa buska e i ta su amiga a sali papia ku Coffie. Coffie a bisa ku ta un kos chikí nan lo bai hasi bin bèk i ku Coffie tabata tin dos otro amigu den outo ku e no konosé . Tambe ku ta siguiente dia el a tende di su tata di kriansa ku Boechi a muri.
Durante e detenshon di Zimmerman e tabata tin den su poder un telefon ku su IMEI number ta konosí pa hustisia. Riba dia 8-9 december 2022 e mesun telefon ariba menshoná ku simcard ku su number ta konosí pa hustisia, pa Zimmerman a sali na kla. Kaminda ku el a deklara ku e telefon no a wòrdu uzá, el a splika Coffie. E number a wòrdu rekonosé ku ta number di e di Zimmerman su ex-frei, testigu J.A.M a duna di konosé.
Kaminda ku Zimmerman ta bisa ku e no tabata kaminda e likidashon a tuma lugá pero Coffie sí ta bisa ku e tabata na e sitio plus e antena di telefon selular tambe ta indiká ku e tabata na e sitio di e likidashon.
Antena di telefon selular.
Riba petishon di hustisia pa riba e rapòrt di e numbernan di telefon di tantu Coffie i Zimmerman ta indiká ku hinter anochi e dos personanan Coffie i Zimmerman tabata huntu riba mesun ruta na mesun un momentu.
Tambe ta kuadra ku e video ku ta ilustrá e ruta ku e Hyundai a kore tras di e Hummer. E orario riba e video ta kuadra ku e orario di e antenanan di telefon.
Mesun kos e ta kuadra ku e ruta di huidia di e dos sospechosonan ora ku nan a kaba di likidá Boechi, te na momentu ku nan a yega Gato i nan a destruí e dos simcardnan. Despues ku nan a destruí e dos simcardnan, na e momentu ey e señalnan a stop di transmití riba tur antena di selular. Esey a tuma lugá den area di Gato kaminda Coffie su kas ta situá.
Pa kolmo e dos simcardnan su number ta kasi meskos. Ta e ultimo number patras so ta diferente, kemen 7 number meskos i esun ultimo so ta diferente. Kemen e simcardnan a wòrdu kumprá riba mesun dia i na mesun kaminda.
