Sinku detenshon den kaso di atrako
KOMUNIKADO DI PRENSA 519/2023
1 novèmber 2023
Sinku detenshon den kaso di atrako
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Kontinuando ku investigashon den kasonan di atrako ku a tuma lugá den luna di mart 2023 na diferente establesimentu, polis a hasi sinku (5) detenshon.
Djamars 31 di òktober 2023 alrededor di 19.35’or di anochi, Tim di Aresto a hasi detenshon di dos sospechoso e dama Z.N.M.v. H., di 26 aña di edat nasé na Kòrsou i e hòmber S.O.C., di 29 aña di edat nasé na Jamaica.
Nan detenshon a tuma lugá na Aeropuerto (Hato).
Despues polis a bai un kas den Kaya Hematita i a hasi detenshon di e sospechoso N.A.V., di 38 aña di edat nasé na Kòrsou.
Despues a bai un otro adrès den área di Bivak i a detené un dama sospechoso G.A.T.N.M., di 51 aña di edat nasé na Jamaica i e hòmber G.G.S.Th., 50 aña di edat nasé na Kòrsou, enkonekshon ku violashon di lei di droga.
Despues di tur e detenshonnan, personal di e Tim di Atrako a tene diferente entrada
hudisial na dos kas na Bivak, Kaya Hematita, Jumentoweg, Puerto Ricoweg, Haitiweg,
berkelstraat i Carriacoaweg i durante di e entradanan a haña i konfiská artíkulonan di
importansia pa e investigashon.
A presentá tur e sospechosonan dilanti di un fiskal ouksiliar ku a ordená nan
enkarselamentu pendiente di mas investigashon.

