Dos detenshon relashoná ku maltrato

KOMUNIKADO DI PRENSA 182/2025
10 mei 2025
Dos detenshon relashoná ku maltrato
Departamentu di Komunikashon i Prevenshon
KUERPO POLISIAL KÒRSOU
SIRBI I PROTEHÁ
Djabièrnè 9 di mei 2025 alrededor di 13.44’or, Sentral di polis a dirigí un unidat polisial pa un kas na Kaya Djogodo pa un kaso di maltrato.
For di investigashon ku polis a hasi na e sitio a sali na kla ku despues di un diskushon entre dos hòmber pa motibu di shushi di kachó, esaki a terminá den un bringamentu ku palu, bate i un artefakto di heru.
Na e sitio a detené e hòmbernan R.J.G.W. di 27 aña di edat i K.S.S. 61 aña di edat ámbos nasé na Kòrsou, enkonekshon ku e kaso di maltrato ariba menshoná.
A konfiská e palu, bate i e artefakto di heru.
Despues di detenshon mester a transportá un di e víktimanan pa CMC pa tratamentu médiko.
A presentá ámbos sospechoso dilanti di un fiskal ouksiliar ku a ordená nan enkarselamentu pendiente di mas investigashon.
