Promé Minister Pisas i Konseho di Minister a risibí Promé Minister Schoof
Gobièrnu di Kòrsou
Promé Minister Pisas i Konseho di Minister a risibí Promé Minister Schoof
Publiká riba 12 Mei 2025
WILLEMSTAD – Riba djaluna, 12 di mei 2025, Promé Minister Pisas i tambe Konseho di Minister a risibí Promé Minister di Hulanda Dick Schoof. E dia a kuminsá ku un konsulta bilateral entre Promé Minister Schoof i Promé Minister Pisas, siguí pa un enkuentro ku tur miembro di Konseho di Minister di Kòrsou.
Durante di e enkuentronan akí a trata diferente tema importante relashoná ku e kolaborashon entre Kòrsou i Hulanda.
Un di e puntonan di diskushon prinsipal ta e refinansiamentu di e fiansa di bono emití pa Hulanda. Minister di Finansa, Javier Silvania, a splika ku entretantu a entregá un petishon formal serka Sekretario di Estado pa Asuntunan Interior i Relashonnan den Reino, i ta pidi Promé Minister di Hulanda pa alabes pone atenshon riba e asuntu urgente akí.
Tambe a pone atenshon riba e intenshon di Kòrsou pa eliminá e eksigensia di visa pa personanan ku nashonalidat Dominikano, spesífikamente den kaso pa drenta Kòrsou. Konseho di Minister ya a tuma un desishon riba esaki. Ehekushon ta kana via Ministerio di Asuntunan Eksterior di Hulanda komo ku asuntunan di visa ta un instrumento di e maneho di asuntunan eksterior. Meta prinsipal ta pa fortalesé e lasonan turístiko, ekonómiko i kultural ku Repúblika Dominikano, sin ku esaki mester afektá e maneho en general ku ta konta pa henter Reino.
Ademas, Konseho di Minister a ekspresá su preokupashon riba e plan di Hulanda pa oumentá e impuesto riba buelonan di largo distansia. Segun Gobièrnu di Kòrsou, e medida akí por tin konsekuensianan negativo pa turismo, spesialmente pasó un proporshon signifikante di turista ta bini di Hulanda Oropeo.
Finalmente, a trata implementashon di sanshonnan internashonal basá riba e Lei di Sanshonnan Nashonal. Kòrsou a reafirmá su obligashon legal i boluntat pa implementá e sanshonnan di Nashonnan Uní i Union Oropeo, pero a suprayá e nesesidat pa ta konsiente di e realidatnan ekonómiko i geopolítiko di e isla.
Di parti di e delegashon hulandes tabata presente: Promé Minister Dick Schoof, Bart van Poelgeest (Sekretario General suplente di Ministerio di Asuntunan General), Roald Lapperre (Direktor general di Relashonnan den Reino), Saskia de Reuver (Representante interino di Hulanda na Aruba, Kòrsou i Sint Maarten), Anna Sophia Posthumus (direktor di e Rijksvoorlichtingsdienst – RVD) i Joris Groen (asesor di e Promé Minister). Bo Melchers, asesor polítiko serka Representashon di Hulanda na Willemstad, tambe tabata presente den e sala di reunion.
Di parti di Kòrsou, tur miembronan di e Konseho di Minister a partisipá na e reunion, huntu ku minister plenipotensiario Carlson Manuel, sekretario di Konseho di Minister Cherise Balentin, i presidente di e Komishon Nashonal di Reforma Caryl Monte. Sekretario General interino di Ministerio di Asuntunan General, Djurick Comenentia, i e sekretario adjunto interino di Konseho di Minister, Kristel Hooi, tambe tabata presente den e sala di reunion.
E bishita di trabou a tuma lugá den un ambiente habrí i respetuoso, suprayando e importansha di kolaborashon i kompenshon mutuo dentro di Reino.
Promé Minister Pisas i Konseho di Minister a risibí Promé Minister Schoof
Regering van Curaçao
Premier Pisas en de Raad van Ministers ontvangen Premier Schoof
Geplaatst op 12 05 2025
WILLEMSTAD – Op maandag 12 mei 2025 hebben minister-president Pisas en de Raad van Ministers minister-president Schoof ontvangen. De dag begon met een bilateraal overleg tussen premier Schoof en premier Pisas, gevolgd door een gezamenlijke ontmoeting met de voltallige Raad van Ministers van Curaçao.
Tijdens deze gesprekken werd ingegaan op verschillende belangrijke thema’s binnen de samenwerking tussen Curaçao en Nederland.
Een belangrijk onderwerp van gesprek was de herfinanciering van de door Nederland uitgegeven obligatielening aan Curaçao. Minister van Financiën, Javier Silvania, lichtte toe dat er inmiddels een formeel verzoek is ingediend bij de staatssecretaris van Binnenlandse Zaken en Koninkrijksrelaties, en vroeg aandacht van de Nederlandse minister-president voor dit urgente onderwerp.
Ook kwam het voornemen van Curaçao aan bod om de visumplicht voor personen met de Dominicaanse nationaliteit, specifiek voor toegang tot Curaçao, af te schaffen. De Raad van Ministers van Curaçao heeft hierover reeds een besluit genomen. Uitvoering daarvan geschiedt via het Ministerie van Buitenlandse Zaken aangezien het visumbeleid een instrument is van het buitenlands beleid. Het streven blijft om de toeristische, economische en culturele banden met de Dominicaanse Republiek te versterken, binnen de kaders van het bredere visumbeleid van het Koninkrijk.
Daarnaast herhaalde de Raad van Ministers haar zorgen over de mogelijke impact van de voorgenomen verhoging van de Nederlandse vliegbelasting op langeafstandsvluchten. Deze maatregel kan volgens de Curaçaose regering negatieve gevolgen hebben voor het toerisme, met name omdat een aanzienlijk deel van de toeristen uit Europees Nederland afkomstig is.
Tot slot werd gesproken over de uitvoering van internationale sancties op basis van de Rijkssanctiewet. Curaçao bevestigde wederom haar wettelijke verplichting en bereidwilligheid om VN- en EU-sancties te implementeren, maar benadrukte daarbij de noodzaak tot oog voor de economische en geopolitieke realiteit van het eiland.
Aan de ontmoeting tussen minister-president Schoof en de Raad van Ministers namen van Nederlandse zijde deel: minister-president Dick Schoof, Bart van Poelgeest (plaatsvervangend secretaris-generaal van het ministerie van Algemene Zaken), Roald Lapperre (directeur-generaal Koninkrijksrelaties), Saskia de Reuver (waarnemend Vertegenwoordiger van Nederland in Aruba, Curaçao en Sint Maarten), Anna Sophia Posthumus (directeur van de Rijksvoorlichtingsdienst), en Joris Groen (adviseur van de minister-president). Bo Melchers, beleidsadviseur bij de Vertegenwoordiging van Nederland in Willemstad, was eveneens aanwezig in de vergaderzaal.
Van Curaçaose zijde namen alle ministers van de Raad van Ministers deel aan het overleg, evenals gevolmachtigde minister Carlson Manuel, secretaris van de Raad van Ministers Cherise Balentin, en voorzitter van de Nationale Hervormingscommissie Caryl Monte. Ook waren de secretaris-generaal ad interim van het ministerie van Algemene Zaken, Djurick Comenentia, en de adjunct-secretaris ad interim van de Raad van Ministers, Kristel Hooi, in de vergaderzaal aanwezig.
Het werkbezoek vond plaats in een open en respectvolle sfeer, waarbij het belang van samenwerking en wederzijds begrip binnen het Koninkrijk werd onderstreept.
Premier Pisas en de Raad van Ministers ontvangen Premier Schoof
