Buelo nònstòp for di Lima pa Kòrsou entrante desèmber 2025 LATAM lo introdusí 3 buelo pa siman
Buelo nònstòp for di Lima pa Kòrsou entrante desèmber 2025
LATAM lo introdusí 3 buelo pa siman
WILLEMSTAD- 12 di mei 2025 – Ofisina di Turismo di Kòrsou (CTB) den kolaborashon ku Curaçao Airport Partners (CAP), Curaçao Hospitality & Tourism Association (CHATA) i Curaçao Airport Holding (CAH) ta anunsiá ku orguyo ku e aerolínea di mas grandi den Latino Amérika kual ta LATAM Airlines lo inisiá un buelo nònstòp entre Lima, Peru i Kòrsou entrante 2 di desèmber 2025. E buelo lo keda operá 3 biaha pa siman riba tur djamars, djabièrnè i djadumingu. E buelo nobo lo sirbi komo un hub importante pa Kòrsou por sigui ekspandé den region di Sur Amérika mehorando e konekshon no solamente ku Peru pero tambe ku Argentina, Brazil, Chile, Uruguay i Paraguay.
E skema di buelo ta di e siguiente manera:
| Ruta | Salida | Yegada |
| Jorge Chávez International Airport (LIM) – Curaçao International Airport (CUR) | 12:00 | 17:40 |
| Curaçao International Airport (CUR) – Jorge Chávez International Airport (LIM) | 18:45 | 22:25 |
E konekshon nobo di LATAM lo hasi posibel pa Kòrsou atraé i risibí biaheronan for di merkadonan importante manera Lima, Buenos Aires, Santiago de Chile, Asuncion, Cordoba, Montevideo i Mendoza. Lokual ta representá un gran oportunidat pa mas turista for di region di Sur Amérika bin eksperensiá Kòrsou su produkto turístiko riku. For di un variedat amplio di akomodashon te na diferente atrakshon turístiko, playanan bunita, deportenan akuátiko, kultura vibrante, eventonan i mas ku tur kos e kaluroso hospitalidat di e habitantenan di Kòrsou.
Di otro banda, e ruta nobo lo nifiká tambe mas opshon di biahe i mihó konekshon pa pueblo di Kòrsou, tantu pa esnan ku ta biaha pa vakashon òf pa hasi negoshi.
Nonstop Flight from Lima to Curaçao Starting December 2025
LATAM to introduce 3 weekly flights
WILLEMSTAD – May 12, 2025 – The Curaçao Tourist Board (CTB), in collaboration with Curaçao Airport Partners (CAP), the Curaçao Hospitality & Tourism Association (CHATA), and the Curaçao Airport Holding (CAH) proudly announces that LATAM Airlines, the largest airline in Latin America, will begin nonstop service between Lima, Peru and Curaçao starting December 2, 2025. The flights will operate three times per week on Tuesdays, Fridays, and Sundays. This new route will serve as an important hub, allowing Curaçao to further expand within the South American region by enhancing connectivity not only with Peru, but also with Argentina, Brazil, Chile, Uruguay, and Paraguay.
Flight Schedule:
| Route | Departure | Arrival |
| Jorge Chávez International Airport (LIM) – Curaçao International Airport (CUR) | 12:00 | 17:40 |
| Curaçao International Airport (CUR) – Jorge Chávez International Airport (LIM) | 18:45 | 22:25 |
The new LATAM connection will enable Curaçao to attract and welcome travelers from key markets such as Lima, Buenos Aires, Santiago de Chile, Asuncion, Cordoba, Montevideo, and Mendoza. This presents a great opportunity for more South American tourists to experience Curaçao’s rich tourism product; from a wide range of accommodations and diverse attractions to beautiful beaches, water sports, vibrant culture, exiting events, and above all, the warm hospitality of the Curaçao community.
Additionally, the new route will offer more travel options and better connectivity for the Curaçao community, whether traveling for leisure or business.