Ofisina di Turismo di Kòrsou ta selebrá 35 aña promoviendo dushi Kòrsou / Curaçao Tourist Board Celebrates 35 Years of Promoting ‘Dushi’ Curaçao
Ofisina di Turismo di Kòrsou ta selebrá 35 aña promoviendo dushi Kòrsou
WILLEMSTAD- 1 di òktober 2024 – Awe, promé di òktober 2024, Ofisina di Turismo di Kòrsou (CTB) ta orguyoso di selebrá 35 aña sirbiendo nos pais. Pa mas di tres dékada i mei nos a dediká nos mes na promové Kòrsou komo un destinashon turístiko di promé klase tantu pa vakashon komo pa negoshi. E esfuersonan ku CTB a bin ta hasi ta resaltá nos pais su kultura vibrante, paisahenan impreshonante, playanan bunita i nos hospitalidat kaluroso miéntras ta sigurá kresementu sostenibel i benefisio riba término largu pa nos komunidat. Durante añanan, CTB a ehekutá vários proyekto enfoká riba implementashon di kampañanan di merkadeo, promoshon i di konsientisashon. Tambe a duna aporte i inisiá esfuersonan pa mehorá e eksperensia di e turista. Ademas, CTB ta kolekta i raporta datonan di turismo i duna konseho na gobièrnu riba tópikonan relashoná ku turismo. CTB ta inmensamente orguyoso di tur e logronan i ta spera pa logra mas den kolaborashon ku partnernan di sektor públiko i priva, stakeholders internashonal i komunidat lokal.
Ophetivonan prinsipal pa 2024
Aña 2024 ta mustra di bira otro aña kaminda Kòrsou lo kibra tur rèkòrt. Un di ophetivonan prinsipal ta pa klousurá aña 2024 ku un total di 670 mil turista di estadia. Na sèptèmber, Kòrsou a surpasá kaba mei mion turista di estadia, un logro ku a keda alkansá aña pasá na luna di novèmber. Nos 5 merkadonan tòp, Hulanda, Estádos Unídos, Colombia, Brazil i Canada ta sigui presta di forma eksepshonal. E kresementu remarkabel aki ta resaltá e interes pa nos pais i e dedikashon di tur hende den industria di turismo. Otro ophetivo importante ta pa kolaborá ku partnernan di sektor públiko i privá pa asina krea eksperensianan inolvidabel durante e turista su estadia. Esaki dor di mehorá e produkto turístiko i e servisio na kliente, duna un kontribushon na fortifiká e kapital humano na Kòrsou i fomenta konekshonnan signifikativo entre nos komunidat i bishitantenan.
Dekreto nashonal dirigí riba desaroyo sostenibel di turismo
Resientemente, den kuadro di selebrashon di Dia Mundial di Turismo, CTB huntu ku Ministerio di Desaroyo Ekonómiko i Curaçao Hospitality & Tourism Association a organisá e Konferensia Nashonal di Turismo kaminda a firma un dekreto nashonal dirigí riba desaroyo sostenibel di turismo. E dekreto ta deskribí institushon di un struktura di implementashon nobo dirigí riba aselerá implementashon di diferente akshon aliniá na e Strategic Tourism Destination Development Plan 2022 – 2026 (STDDP). Manehá e kresementu sostenibel di industria di turismo, huntu ku tur partner i implementá e STDDP 2022 – 2026 ta keda e prioridatnan prinsipal pa CTB.
CTB ta gradisí Gobièrnu di Kòrsou, tur e partner di industria di turismo i komunidat pa nan sosten durante tur e añanan. Nos ta mira dilanti riba hopi aña mas inspirando biaheronan pa bishitá Kòrsou i eksperensiá nos dushi pais pa nan mes.
Curaçao Tourist Board Celebrates 35 Years of Promoting ‘Dushi’ Curaçao
WILLEMSTAD – October 1, 2024 – Today, October 1, 2024, the Curaçao Tourist Board (CTB) proudly marks 35 years of service to the island. For over three and a half decades, we have dedicated ourselves to promoting Curaçao as a premier tourist destination for both leisure and business travelers. Our efforts highlight the island’s vibrant culture, breathtaking landscapes, inviting beaches and warm hospitality while ensuring sustainable growth and long-term benefits for the community. Over the years, we have advanced various projects focused on implementing marketing, promotional, and awareness campaigns, as well as supporting and initiating efforts to improve the tourist experience. Also collect and report tourism data and advise the government on tourism policies. We are immensely proud of our accomplishments and look forward to achieving even more in collaboration with our public and private sector partners, international allies, and local community.
Main objectives for 2024
As we move through 2024, the year is shaping up to be another record-breaking one, with one of our key objectives being to reach 670,000 stayover visitors by year-end. By September, we had already surpassed half a million stayover visitors, an achievement we reached in November of last year. Our top five source markets, the Netherlands, the United States, Colombia, Brazil, and Canada, continue to perform exceptionally well. This remarkable growth highlights the appeal of our island and the dedication of everyone in our tourism industry. Another important objective is to collaborate with our industry partners (public and private) to create a memorable experience throughout the visitor’s journey by enhancing the tourism product, improving customer service, contribute to strengthening human capital island-wide, and fostering meaningful connections between our local community and visitors.
National decree focused on sustainable tourism development
Recently, in celebration of World Tourism Day, we partnered with the Ministry of Economic Development and Curaçao Hospitality & Tourism Association to organize the National Tourism Conference, where a national decree focused on sustainable tourism development was signed. This decree outlines the establishment of a new implementation structure aimed at accelerating the execution of various actions aligned with the Strategic Tourism Destination Development Plan 2022 – 2026 (STDDP). Managing the sustainable growth of the tourism industry, together with our partners, and executing the STDDP 2022 – 2026 remain top priorities for the CTB.
The CTB wishes to thank the government, all tourism industry partners, and the community for their ongoing support throughout the years. We look forward to many more years of inspiring travelers to visit Curaçao and experience our ‘dushi’ island for themselves.
