Baño públiko terminal di ferry parti Punda habrí bèk – Public Restroom at the Punda Ferry Terminal Reopens
Baño públiko terminal di ferry parti Punda habrí bèk
pa komunidat lokal i turistanan
WILLEMSTAD – 6 di yüli 2026 – E baño públiko kaminda ferry ta mara parti Punda a keda renobá i ta habrí bèk pa komunidat di Kòrsou i turistanan. E baño públiko ta habrí di djaluna pa djasabra di 9:00 AM pa 5:00 PM, riba dianan di fiesta i riba dianan ku tin barku krusero den haf. E proyekto a keda realisá dor di Ofisina di Turismo di Kòrsou (CTB) den kolaborashon ku Downtown Management Organization (DMO) komo parti di e kompromiso komun pa mehora e kalidat, aksesibilidat i eksperensia general di Kòrsou su sentro di siudat. Apertura ofisial di e fasilidat renobá a keda hasí pa Minister di Desaroyo Ekonómiko, Roderick Middelhof.
E inisiativa ta forma parti di e esfuersonan kontinuo pa mehorá, mantené i brinda fasilidatnan di baño públiko den nos sentro di siudat dunando di e manera aki un kontribushon na un Punda limpi i higiéniko. Pues awor tin 2 fasilidat di baño públiko habrí parti Punda, unu na Waterfort Boogjes i esun na e terminal di ferry parti Punda kual ta enfrente di e Curaçao Information Center ku CTB a inougurá na novèmber 2025. Pa hasi uso di e bañonan públiko mester hasi un kontribushon di 1 florin Karibense / 1 dòler. Un apelashon na usuarionan pa yuda mantené e bañonan limpi.
Public Restroom at the Punda Ferry Terminal Reopens
for residents and tourists
WILLEMSTAD – July 6, 2026 – The public restroom located at the Punda ferry terminal has been renovated and has reopened to serve the community of Curaçao and visiting tourists. The facility is open from Monday through Saturday, from 9:00 AM to 5:00 PM, as well as on public holidays and on days when cruise ships are in port. The project was carried out by Curaçao Tourist Board (CTB) in close collaboration with Downtown Management Organization (DMO), as part of a shared commitment to enhancing the quality, accessibility, and overall experience of Curaçao’s downtown areas. The renovated facility was officially inaugurated by Minister of Economic Development, Roderick Middelhof.
This initiative forms part of ongoing efforts to improve, maintain, and provide public restroom facilities in the downtown area, helping to create a cleaner, more hygienic Punda. With the reopening of this facility, there are now two public restrooms available in Punda; one at the Waterfort Arches and the other at the Punda ferry terminal, located in front of the Curaçao Information Center, which CTB inaugurated in November 2025. A fee of 1 Caribbean guilder / 1 US dollar is charged for use of the public restrooms. Users are kindly encouraged to help keep the facilities clean.
