KUERPO POLISIAL KÒRSOU

KOMUNIKADO DI PRENSA

14 mei 2025

Entrada hudisial ku sinku detenshon i konfiskashon

190/2025

Kontinuando ku investigashon relashoná ku un kaso di atrako ku a tuma lugá dia 23 di mart
último den un Kasino den área di Pater Eeuwensweg, e Tim di Aresto a hasi sinku
detenshon.
Djárason 14 di mei 2025, alrededor di 05.10’or pa 05.50’or di mainta, e Tim a tene entrada
hudisial na kuater kas den Oeralweg, Americaweg, Nigerweg i Kaya Yen.
Durante di e entradanan hudisial a detené tres sospechoso relashoná ku e kaso ariba
menshoná.
Ta trata di e hòmbernan J.A.G. di 44 aña di edat, M.A.G.C. di 47 edat J.U.R.J. di 35 edat tur
tres nasé na República Dominicana.
Mas aleu a detené dos sopechoso ku nan dokumentunan no tabata na òrdu pa por
permanesé riba Isla.
Ta trata di dama J.S.C.C. di 36 aña di edat nasé na Colombia i e hòmber P.J.de La C.R. di 32
aña di edat nasé na República Dominicana, ámbos a keda detené i entregá na
departamentu di Imigrashon pendiente nan deportashon.
Durante di e entradanan hudisial a haña i konfiská dos arma di kandela, tres vehíkulo, un
skùter, sumanan di sèn kèsh i artíkulonan ku ta di importansia pa e investigashon.
A presentá e tres sospechoso pa e kaso di atrako dilanti di un fiskal ouksiliar ku a ordená
nan enkarselamentu pendiente di mas investigashon.