20 di mei 2025 Fundashon Pro Souax ku CHARLA: E INFLUENSIA NEGATIVO DI SUKU (HFCS) RIBA E SALU DI MUCHA.

 

20 di mei 2025 Fundashon Pro Souax ku

CHARLA: E INFLUENSIA NEGATIVO DI SUKU (HFCS) RIBA E SALU DI MUCHA.

Fundashon Pro Souax i Sentro di bario Souax, ta informá habitantenan di Souax, Gato, Zegu i bisindario i demas interesado ku djamars próksimo 20 di mei lo tin e siguiente charla di e siklo di charla ” ALIMENTASHON RESPONSABEL”. E siklo di charla tin komo meta pa duna informashon i di e forma aki konsientisá habitantenan di Souax i bisindario i tambe otro interesadonan, kon alimentá nan mes di un forma balansá, sano i responsabel.

E luna aki DIETISTA SRA. SIEGMARA CAROLINA lo trata e tópiko:
E INFLUENSIA NEGATIVO DI SUKU (HFCS) RIBA E SALU DI MUCHA.

Durante di e charla e dietista lo duna informashon riba kon uzo di suku (HFCS) ta afektá salú di mucha i tambe lo konsehá kon pa loke ta esaki adaptá nutrishon di e mucha pa aliment’é di un forma ku ta mihó pa su salú.

Entrada ta grátis i lo tin amplio oportunidat pa hasi pregunta. Un i tur ta keda kòrdialmente invitá pa bin skucha informashonnan interesante riba e tópiko aki.

Charla ALIMENTASHON RESPONSABEL Tópiko   : E INFLUENSIA NEGATIVO DI SUKU (HFCS) RIBA E SALU DI MUCHA. Oradó   : DIETISTA Sra. Siegmara Carolina Dia        : Djamars 20 di MEI 2025 Ora        : Shet’or pa mitar di nuebe di anochi  (19.00 – 20.30) Lugá      : Sentro di bario Souax                            Entrada  : GRATIS