Djárason mardugá, Sentro Operashonal Marítimo di Wardakosta a tuma nota di un kontakto sospechoso biniendo for di zuid den direkshon di Kòrsou.

Djárason mardugá, Sentro Operashonal Marítimo di Wardakosta a tuma nota di un
kontakto sospechoso biniendo for di zuid den direkshon di Kòrsou. Inmediatamente a
kontaktá un di e unidatnan di Metal Shark ku a sali ku rapides pa investigá e boto. Ta trata
di un boto tipo 'yola' ku 8 hende hòmber i 2 hende muhé di nashonalidat benesolano a
bordo. Personal di Wardakosta tambe a tuma nota ku e persona nan tabata transportá un
makaku.
E 10 persona nan indokumenta a ser entrega na Kuerpo Polisial i e makaku a ser entrega
na e departamento konserní bou di ministerio di Salubridat Públiko, Medio Ambiente i
Naturalesa. Outoridatnan lokal lo kontinuá ku e investigashon.