KUERPO POLISIAL KÒRSOU

KOMUNIKADO DI PRENSA

24 mei 2025

Aksidente di tráfiko ku varios herido

211/2025

Djabièrnè 23 di mei 2025 alrededor di 18.40’or, Sentral di Polis a dirigí varios unidat polisial
pa Kaya Thomas Henriquez pa un aksidente di tráfiko den kua tabatin varios persona
leshoná.
Na yegada di e unidatnan, nan a bin enkontrá un outo modèl chikí ku tabata di bòltu riba su
dak.
Den e outo aki tabatin tres persona heridá i den ambulans un dama ku tambe tabata
okupante di e outo, ku na e momentu ei tabata risibiendo tratamentu médiko.
Tabata nesesario pa pidi mas ambulans pa por a transportá un total di kuater víktima pa
Sala di Emergensia di C.M.C.
Durante ku personal di polis i di ambulans tabata atendiendo ku e aksidente, polis mester a
atendé ku man duru kontra personanan for di den e públiko ku no kier a sigui òrdu di polis.
Investigashon preliminar ta indiká ku kousa di e aksidente ta pa falta di dunamentu di
preferensia.
Personal di Departamentu di Tráfiko ta kontinuá ku e investigashon.