Maltrato ku detenshon.
KOMUNIKADO DI PRENSA 141 / 2021
10 aprel 2021
Maltrato ku detenshon.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Djasabra 10 di aprel 2021 alrededor di 01.27’or, Sentral di Polis a risibí informashon di un
bringamentu ku tabatin entre di dos dama na un adrès den Kaya Elegansia.
E unidat ku a yega na e sitio a topa un dama tur na sanger i ku algun kap na su kurpa.
For di investigashon preliminar a sali na kla ku e víktima tabatin un pleitamentu ku un otro
dama i e último aki lo a maltratá e víktima ku un chapi.
A pidi presensia di ambulans pa transportá e víktima pa sala di emergensia di C.M.C. pa
risibí tratamentu médiko.
Na e sitio, alrededor di 02.13’or, polis a detené e agresor, e dama sospechoso L.V.M.G. di
42 aña di edat nase na Kòrsou pa maltrato ku arma.
A present’é dilanti di un fiskal ouksiliar ku a ordená su enkarselamentu pendiente di mas
investigashon.
