Kambio interno na Ministerio di BPD – Sra. Nadya Nersicio ta bira Sekretario General interino na Ministerio di BPD

𝐊𝐚𝐦𝐛𝐢𝐨 𝐢𝐧𝐭𝐞𝐫𝐧𝐨 𝐝𝐞𝐧 𝐝𝐢𝐫𝐞𝐤𝐬𝐡𝐨𝐧 𝐝𝐢 𝐁𝐏𝐃:

𝐍𝐚𝐝𝐲𝐚 𝐍𝐞𝐫𝐬𝐢𝐜𝐢𝐨 𝐭𝐚 𝐛𝐢𝐫𝐚 𝐒𝐞𝐤𝐫𝐞𝐭𝐚𝐫𝐢𝐨 𝐆𝐞𝐧𝐞𝐫𝐚𝐥 𝐢𝐧𝐭𝐞𝐫𝐢𝐧𝐨 𝐝𝐢 𝐁𝐏𝐃

Awe, 26 di mei 2025, sra. Nadya Nersicio lo tuma enkargo komo Sekretario General interino di e Departamentu di Ministerio di Maneho, Planifikashon i Servisio Públiko (BPD).

For di desèmber 2024, sr. Maharo Isenia tabata sirbi manera Sekretario General interino di BPD, Direktor interino di Shared Service Organisatie (SSO), i Kordinadó di e organisashon (PMO) enkargá ku digitalisashon di Gobièrnu. Durante e periodo aki, sr. Isenia sinembargo a risibí un gran kantidat di tareanan i responsabilidatnan.

Minister Hato despues di deliberashon ku sr. Isenia a yega na desishon ku for di awe, sr. Isenia lo dediká su trabou eksklusivamente na SSO. Esaki mirando e prioridat ku e servisio di SSO ta rekerí i ku komo Minister Hato e kier pa sr. Isenia keda ku focus pa terminá e retonan den SSO ku tin aktualmente. Konsiente ku tin hopi trabou den e Ministerio di BPD, sra. Nersicio lo tuma e ròl di Sekretario General interino di BPD te ku un próksimo aviso. Sinembargo esaki no ta un solushon duradero, enbista ku e trabounan ta hopi den e Ministerio di BPD tantu pa sr. Isenia na SSO pero tambe pa sra. Nercisio komo SG interino na BPD. Lo siguí traha próksimamente riba un solushon duradero pa fortifiká e organisashon.

Minister Hato ke ekspresá su gradisimentu na sr. Isenia pa su liderasgo i dedikashon den e último lunanan, i konta ku su kontribushon kontinuo pa logra e ophetivonan di SSO. Ta di sumo importansia pa por enfoká riba kantidat di trabounan ku tin den e Ministerio di Maneho, Planifikashon i Servisio Públiko pa asina por optimalisá e trabounan i laga esakinan ta muchu mas strukturá.