September 23, 2026
Latest:

KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

GOBIERNU

PROSEDURA PA PETISHON i PAGO DI SÈN PA PAÑA DI SKOL (KLEDINGGELD)!

REDAKSHON

PROSEDURA PA PETISHON i PAGO DI SÈN PA PAÑA DI SKOL
(KLEDINGGELD)!

Willemstad- pa medio di e komunikado aki Minister di Desaroyo Sosial, Labor i Bienestar, sra. mr. Dayanara Chin-A-Lien/Roozendal, kier a informá  tur kobradó di ònderstant ku tin yu ku ta bishitá skol obligatorio, ku nan lo risibí pago di sèn pa paña di skol (Kledinggeld) pa aña 2025 den kinsena 15/2025. Esaki ta tuma lugá huntu ku nan ònderstant (fecha di pago dia 11 yüli 2025).


Personanan ku no ta kobradó di ònderstant i tin un entrada bou di suèldu mínimo, por pasa entrante 01 ougùstùs 2025 na e kas di Bario konserní pa hasi un petishon.

 

Ken por bini na remarke pa sèn pa paña di skol?

  • Yu di mayor o tutor ku ta kobra ònderstant òf tin un entrada bou di suèldu mínimo:
  • Yu mester ta inskribí den Registro Sivil di Kòrsou i tambe mayor o tutor mester ta inskribí;
  • Yu di un estranhero ku tin un pèrmit bálido i ta inskribí den Registro Sivil di Kòrsou;
  • Yu ku ta kai bou di lei di skol obligatorio i ta bishitá un Skol di Fundeshi, Skol spesial, SBO, HAVO, VWO supsidiá dor di gobièrnu entre edat di 4 pa 18 añ

Kua dokumentonan mester entregá na momento di un petishon?

  • Sédula, reibeweis òf pasport bálido di mayor, tutor o e persona outorisá ku ta bin hasi petishon;
  • Sédula di yu,papel di òp òf buki di famia;
  • Deklarashon ku e yu ta inskribí na skol (schoolverklaring) aña 2025-2026;
  • Esnan ku tin un entrada bou di suèldu mínimo mester trese e deklarashon di entrada di Inspekshon di Impuesto;
  • Esnan ku tin un entrada bou di suèldu mínimo, si tin kuenta koriente di Maduro & Curiel’s Bank òf otro Banko nan lokal, mester trese e number di kuenta tambe;

Petishon pa sèn pa paña di skol (kledinggeld) por wòrdu entregá na:

Kasnan di Bario:
Punda/Banda Ariba number di telefòn:        724-5251
Otrobanda/Banda Abou number di telefòn: 724-5253
Sta Maria number di telefòn:                           724-5254
Brievengat number di telefòn:                        724-5252

Último dia pa entregá petishon i hasi keho relashoná ku sèn pa paña di skol ta dia 03 òktober 2025.

Minister di Desaroyo Sosial, Labor i Bienestar
Sra.Mr. Dayanara Chin-A-Lien/Roozendal,CLL

 

 

639114718427035"
639114718427035"