Grease, e Rock ‘n Roll Musical, na Kòrsou!

Despues di un serie di show cu tabata sold out na December na Aruba y un gran demanda di publiko pa un ripitishon, Cas di Cultura hunto cu Ferdinand Franca ta trece bek e famoso musical GREASE pa último biaha y tambe na dushi hermana isla Kòrsou. E presentashonnan lo tuma lugar na Kòrsou, riba 7 di juni den e auditorio prestijoso di WTC, ku dos show – un matinee y un anochi. E obra “Grease, a Rock ‘n Roll Musical, book, music and lyrics by Jim Jacobs & Warren Casey” por wordo presenta na Kòrsou danki na e permiso amable di Theatrical Rights Worldwide, LLC, 1180 Avenue of the Americas, Suite 640, New York, NY 10036. Riba tarima lo subi un grupo di hoben Arubiano increíblemente talentoso, cu ta representa e futuro di teatro musical na Aruba. Nan a pasa pa un proceso strikto di selekshon, entrenamiento y ensayo intensivo pa 8 luna pa trece un show profesional, bibu y yen di energia. Tur di nan cu nan propio talento — di aktua, baila te kanta — i huntu nan ta forma un ensemble cu ta duna bida nobo na e historia icóniko di Danny y Sandy. Nan ta e pruéba ku talento Arubiano por briya riba cualkier tarima. Bin kanta cu nan riba bo hitnan faborito, di ‘Summer Nights’ te cu ‘Beauty school drop out’ te na ‘We go together’. Lo bo pasa un anochi dibertido y inolvidabel. UNOCA Aruba, como sostenedor prinsipal di e intercambio cultural aki, ta kere ku talento local mester haya chens pa desaroyá riba nivel internashonal. E fundashon ta duna nos hobennan e apoyo necesario pa sigui nan pashon i lansa nan mes den un mundu di arte ku ta desafiante pero tambe yen di oportunidad. K’mino Al Éxito Producciones, ku ta konosí pa trese produkshonnan di habla Hispana sobresaliente pa Kòrsou., ta e partner lokal ku ta yuda pa hasi esaki posibel. Nan ta kere den poder di kolaborashon regional i ta sinti orguyo pa siña i inspira hunto. No laga pasa e oportunidad pa wak un show cu ta combina energia, nostalgia i talento fresco di nos islanan. GREASE ta bini, no laga nan contabo despues!