Desishonnan di djárason 28 di mei 2025 / Beslissingen van woensdag 28 mei 2025
Desishonnan di djárason 28 di mei 2025
Publiká riba 02 Yüni 2025
Desishonnan relashoná spesífikamente ku asuntunan di pais riba nivel nashonal di djárason, 28 di mei 2025:
1. Lantamentu di un Grupo di Trabou pa e Proyekto CSA (Minister di Desaroyo Ekonómiko)
Konseho di Minister a aprobá e kontenido i presentashon di konsepto di e dekreto nashonal modifiká pa instituí un Grupo di Trabou pa e proyekto di Caribbean Sustainable Aquaculture (CSA). E dekreto nashonal ta wòrdu presentá na Gobernador pa firma. A tuma e desishon akí a base di e petishon di 3 di mei 2025 dor di Minister di Desaroyo Ekonómiko (EO).
2. Presentashon di e Plan di Desaroyo pa Ramsar Area Klein Curaçao (Minister di Salubridat, Medio Ambiente i Naturalesa)
Konseho di Minister a tuma nota di e produktonan final di e “Development Plan for Ramsar Wetland of International Importance #2355: Klein Curaçao, RES-48/CUR”. E dokumentonan akí a wòrdu presentá dia 12 di mei 2025 dor di Minister di Salubridat, Medio Ambiente i Naturalesa, responsabel pa e Sektor di Agrikultura, Medio Ambiente i Naturalesa.
E dokumentonan ta wòrdu enkaminá pa Sekretario-General di Ministerio di GMN, ku e petishon pa presentá esakinan na e Grupo di Trabou Interministerial Klein Curaçao, ku a keda instituí pa medio di dekreto nashonal di 10 di yanüari 2019.
3. Dia liber pa empleadonan di gobièrnu riba djabièrnè 30 di mei 2025, despues di Dia di Asenshon (Minister di Maneho di Gobernashon, Planifikashon i Servisio Públiko)
Konseho di Minister a disidí di bai di akuerdo ku dokumentashon di e desishon ku a tuma anteriormente riba 22 di mei 2025. Ku e desishon akí a aprobá ku empleadonan di gobièrnu lo tin e dia liber riba djabièrnè 30 di mei 2025, kual ta e dia despues di Dia di Asenshon, te na e grado ku nan trabou ta pèrmití esaki. Esaki ta registrá den e sirkular di Minister di Maneho di Gobernashon, Planifikashon i Servisio Públiko ku mésun fecha.
Beslissingen van woensdag 28 mei 2025
Geplaatst op 02 06 2025
Belangrijke beslissingen voor het land in verband met staatsaangelegenheden van woensdag 28 mei 2025:
1. Instelling van een Werkgroep voor het CSA-project (Minister van Economische Ontwikkeling)
De Raad van Ministers heeft ingestemd met de inhoud en aanbieding van het aangepaste concept-landsbesluit om een Werkgroep in te stellen voor het project Caribbean Sustainable Aquaculture (CSA-project). Het landsbesluit wordt aangeboden aan de Gouverneur ter ondertekening. Dit besluit is genomen op basis van het verzoek van 3 mei 2025 van de Minister van Economische Ontwikkeling (EO).
2. Aanbieding van het ontwikkelingsplan voor Ramsargebied Klein Curaçao (Minister van Gezondheid, Milieu en Natuur)
De Raad van Ministers heeft kennisgenomen van de eindproducten van het “Development Plan for Ramsar Wetland of International Importance #2355: Klein Curaçao, RES-48/CUR”. Deze documenten zijn op 12 mei 2025 aangeboden door de Minister voor Gezondheid, Milieu en Natuur (GMN), belast met de Sector Landbouw, Milieu en Natuur (LMN).
De documenten worden doorgeleid naar de Secretaris-Generaal van het Ministerie van GMN, met het verzoek deze aan te bieden aan de Interministeriële Werkgroep Klein Curaçao, die is ingesteld bij landsbesluit van 10 januari 2019.
3. Vrije dag voor overheidspersoneel op vrijdag 30 mei 2025, na Hemelvaartsdag (Minister van Bestuur, Planning en Dienstverlening)
De Raad van Ministers heeft besloten akkoord te gaan met het vastleggen van de eerder genomen beslissing van 22 mei 2025. In deze beslissing is goedgekeurd dat het overheidspersoneel op vrijdag 30 mei 2025, de dag na Hemelvaartsdag, vrijaf krijgt, voor zover de werkzaamheden dit toelaten. Dit is vastgelegd in de circulaire van de Minister van Bestuur, Planning en Dienstverlening van dezelfde datum.
