Reunion ku Minister Koeiman a realisá ku Departamentu Inspekshon pa Enseñansa.

Minister Hensley Koeiman ta reuní ku Inspekshon di Enseñansa

WILLEMSTAD – Djaweps mainta 9 di febrüari 2017, Minister Koeiman tabata di bishita na Inspekshon di Enseñansa. Meta di e enkuentro tabata pa Minister Koeiman sera konosí ku e inspektornan di e departamento aki i e organisashon en general. Inspektor-General, sra. Rubia Martina-Bitorina a duna un splikashon di e responsabilidat, outoridat i tareanan di Inspekshon di Enseñansa.

Despues di un palabra di bon biní di sra. Martina-Bitorina el a amplia riba e tareanan di Inspekshon ku ta vigilá kumplimentu ku lei, kumplimentu ku normanan di kalidat, e tarea di duna konsehonan na minister di enseñansa, trese puntonan di atenshon na konosementu di departamento di maneho di e ministerio di Enseñansa, Siensia, Kultura i Deporte i reportá tokante di kalidat di enseñansa na komunidat.

Mas aleu sra. Bitorina a para ketu na puntonan ku ta rekerí atenshon inmediato. Durante di e enkuentro señora Martina-Bitorina a trese puntonan di atenshon relashoná ku trabou di inspekshon na konosementu di Minister Koeiman i su ekipo di sosten. Minister Koeiman tabata kompañá alabes pa sra. Suzanne Larmonie, Direktor di Maneho na ministerio pa Enseñansa, Siensia, Kultura i Deporte.

Na e parti final di e reunion tabatin diferente pregunta di esnan presente a sirbi pa hasi e trabou di inspekshon mas kla pa esnan presente. Finalmente por informá ku e mainta tabata unu masha interesante, efisiente i fruktífero.

_dsc3387

_dsc3388

_dsc3390

_dsc3396

_dsc3399

This site uses Akismet to reduce spam. Learn how your comment data is processed.

error: Content is protected !!
%d bloggers like this: