KOMUNIKADO DI PRENSA 221/2025
2 yüni 2025

Mas detenshon den kaso di atrako

Departamentu di Komunikashon i Prevenshon

KUERPO POLISIAL KÒRSOU
SIRBI I PROTEHÁ

Kontinuando ku investigashon den un kaso di atrako ku a tuma lugá dia 23 di mart último
den un kasino den área di Pater Eeuwensweg, (Komunikado di prensa 190/2025), polis a
hasi un detenshon mas.
Djaluna 2 di yüni 2025 alrededor di 05.00’or, tim di Aresto a detené e hòmber S.F.T. di 42
aña di edat nasé na Kòrsou, na su kas den área di Kanga.
Despues di su detenshon Tim di Atrako a tene un entrada hudisial.
Durante di e entrada hudisial a haña i konfiská artíkulonan ku ta di importansia pa e
investigashon.
A presentá e sospechoso dilanti di un fiskal ouksiliar ku a ordená su enkarselamentu
pendiente di mas investigashon.