Kurpa enkontrá den bahia di Santa Ana

KOMUNIKADO DI PRENSA 403/2024
15 sèptèmber 2024
Kurpa enkontrá den bahia di Santa Ana
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Djasabra 14 di sèptèmber 2024 alrededor di 23.43’or, Sentral di Polis a risibí yamada ku tin
un kurpa ta drif den Bahia di Santa Ana na altura di Ferry, na e parti di Otrobanda.
Mesora a dirigí unidatnan na e sitio i na yegada di e promé unidat el a bin topa enberdat ku
un kurpa den awa. Personanan den serkania ya a mara e kurpa na kabuya pa evitá ku e ta
sigui drif bai.
Huntu ku personal di Warda Kosta a logra saka e kurpa for di awa. Dòkter di polis ku a
presentá na e sitio, a konstatá morto di e hòmber Loeshen Francisca di 28 aña di edat.
Pa e hòmber aki tabatin un petishon di búskeda, ku entre tantu a kaduká.

