Shubrainy Dams a laga Kòrsou su nòmber zona na Telangana, India
Shubrainy Dams a laga Kòrsou su nòmber zona na Telangana, India
Djasabra 31 di mei último dilanti un públiko di mas ku 10 mil hende a tuma lugá e gran final di “Miss World”. Un total di 120 beyesa representando diferente kontinente manera Afrika, Europa, Amérika, Caribe, Asia i Oceania a kompetí den e di 72 edishon di e prestigioso sertámen.
Nos flamante Miss World Curaçao “Shubrainy Dams” a forma parti di e 120 beyesanan aki, i tabata tin e gran honor di representá nos dushi pais Kòrsou dignamente. For di su yegada na India Shubrainy a kosechá hopi èksito pa su manera spontáneo i tambe su abilidat di komuniká. Aunke ku e kompetensia tabata unu hopi fuerte mirando e kantidat grandi di 120 partisipante kompentiendo pa e titulo máksimo, Kòrsou su representante Shubrainy Dams, a destaká di un forma tremendo dunando tur di su parti promoviendo nos dushi pais Kòrsou.
E final di e 72 sertámen di “Miss World” a tuma lugá den HITEX Exhibition Centre na Hyderabad, Telangana, India i a wordu transmití pa mas ku 100 pais. Na final di un show di tres ora Miss Thailand, Opal Suchata a keda korona komo “Miss World”.1st Runner-up a resultá Miss Ethiopia, Hasset dereje Admassu, 2nd Runner-up Miss Poland, Maja Klajda, 3rd Runner-up Miss Martinique, Auréle Joachim.
ReProD(Reinilla Project Development) na nòmber di henter pueblo di Kòrsou ta felisitá i alabes gradisí “Miss World Curaçao” Shubrainy Dams pa e tremendo trabou ku e la hasi na India, represntando Kòrsou dignamente.
